Nolakoa beharko luke diseinatzaile perfektuak?

Monday, August 30th, 2010

Askok galdetuko diote hau euren buruei, gehienbat ikasle moduan ari direnek. Nolakoa izan beharko nintzateke diseinatzaile perfektua izateko?

Michael Roller diseinatzaile industrialak, galderaren erantzuna aurkitzeko inbestigazio lan txiki bat egin du, eta orain badakigu zeintzuk diren beharrezkoak ditugun gaitasunak. Lana, produktu diseinatzaileentzakoa da, baina, zihur grafika munduan aritzen direnek ere, baliagarri izango dutela.

Emaitzak lortzeko, Roller-ek egungo diseinatzaile pisutsuenetariko batzuk elkarrizketatu ditu, hauentzat enpresan sartu berria izango den diseinatzaile bati eskatuko lietzaizkiokeen gaitasunegatik galdezka.

Emaitza modu txukun batean dakarkigu gainera. Hona hemen datuekin eginiko infografia txiki bat.

Bertan atal bakoitzetik diseinatzaileen arteko galdeketaren emaitzak agertzen dira, ehunekotan adierazita, diseinatzaile bakoitzak erantzun ezberdinak eman bait ditu. Baina, gaineko irudian ageri den informazioa nahikoa ez bazaizu, lasai, Michael Roller-ek lorturiko datu guztien xehetasun guztiak pdf batean kaleratu bait ditu. Jarraian ageri da dokumentua. Gainera, norbaitek deskargatu nahiko balu, bisorean bertan izango du aukera.

Beraz, aurrerantzean, norbaitek ez badaki, zergatik ez daukan lanik, argi dauka zertan hobetu! Nik “Ideation Sketching” atalean daukat hobetu beharra, eta zuek?