Antton Peña » Diseinua

Denbora mugek sormena mugatzen al dute?

maimuru — Mon, 21 Nov 2011 14:35:02 +0000

Denbora bat bada interneten gaur dakarkizuedan bideoa bueltaka ari dela. Bi-hiru astetik, bideoa ikusi nuenetik, honi bueltaka aritu naiz, kasualitatez, gaur entregatu berri dugun proiektuak iraun duena. Oso proiektu azkarra behar zuen, baina, kalitatearen garrantzian ere arreta jartzeko eskatu ziguten.

Amaierako faseetan, denbora ez zen sobera zegoen zerbait, eta nolabait aukeratzeko beharrean sentitu ginen. Nor irabazi zuen argi dago, denborak. Emaitza horrelakoa izan da. Batzuk agian ez dute diferentzia igarriko, baina gu beintzat ez gara gustora gelditu.

Hau azaltzea nahi du hemen daukagun bideoak. Sormena, ez da denborarekin loturiko zerbait, askatasuna eta flexibilitatearekin bat datorren zerbait baizik…

Beraz, lan egiteko modua aldatu beharko genuke? Atera ditzala norberak bere konklusioak!

Koloreek salmentetan duten influentzia

maimuru — Sun, 18 Sep 2011 19:51:53 +0000

Nahiz eta agian gehiengo batek onartu ez, diseinuaren helburu nagusienetako bat gehiago saltzea dela esan dezakegu. Horretarako hainbat estrategia erabili dira, eta hauetako bat itxura zaintzea izango da.

Koloreak ere badauka eragina produktu bat saltzerako orduan. Eta intuizioz gidatzea aukera bat izanda ere, informazio gehiago zabaltzeko helburuz sortu da jarraian dakarkizuedan infografia. Bertan kolore bakoitzak saltzerako orduan izan dezakeen influentzia azaltzen ahalegintzen da, datuak, estereotipoak eta adibideak emanez…

DesignBeep-en ikusia

Zergatik sortu behar dugu enpresa bat?

maimuru — Mon, 05 Sep 2011 19:00:40 +0000

Diseinuaren munduan mugitzen bazara, eta hare gehiago zure ogibidetzat baduzu, uneren batean ez bada ere, zure kabuz lan egitea pentsatu duzula. Baina bururatzearekin bat, murua zalantzaz beteko zitzaizun eta arriskuak besterik ez zenituen ikusiko. Eta zalantzaz betetako laku hortatik, zeundenetan gelditzeko asmoaz irtengo zinen zihurrenik.

Sentsazio honi aurre egiteko sortu da ba gaur dakarkizuedan bideoa. EnprendedoresTV-ek sorturiko bideoa da hau. Zihur nago, bideoa amaitzerako zuen enpresa sortzeko gogoa pizten zaizuela. Pena bat erderazko bertsioa bakarrik aurkitu dudala. Hemen doa:

Click here to view the embedded video.

Eta bideo gehiago ikustea nahi badituzue, http://www.emprendedorestv.com/ -era jotzea besterik ez daukazue…

Ideia baten Bizitza

maimuru — Sat, 20 Aug 2011 21:07:05 +0000

Click here to view the embedded video.

Badira hainbat bideo, zati txiki bat ikusita bakarrik lotu egiten zaituztenak. Sarri grabatzeko moduagatik, irudien kalitateagatik, edo norberai interes berezia sortu diolako. Gaur dakarkizuedanak ere badu horrelako zerbait, baina baita edukia ere.

Polita da, bakoitzak ideia bat daukanean jaraitzen duen prozesua ezagutzea. Eta norberarekin konparatzea noski!

Baina bideotik gehien balio didan esaldia, amaierakoa izan da. Baina ez dizuet idatziko ordea, eta uler dezala norberak entzuten duen bezala.

Zuek zer egiten duzue ideia batekin?

Modu Berriak Produktu Ezagunak Lortzeko: iO

maimuru — Sun, 17 Jul 2011 18:57:39 +0000

Badira hainbat garapen, berritzaileak ez diruditenak. Hauek ikustean, betiko zerbaiti gogorarazten digutenak. Hau da ordea, gaur aurkeztea nahi dizuedan letra motaren kasua. Letra mota ikusi eta aurretik ezagunak ditugun beste batzuei gogoraraztea erraza izango da.

Baina zerbaitegatik dakarkizuet gaur tipografia hau. Itxura oso berritzailea ez badauka ere, modu oso berritzailean sortu da. Betiko arkatz edo ilustrazio bektoriala erabili beharrean, oraingoan kotxeak erabili dituzte hau egiteko. Airetik harturiko irudi batzuei esker, eta autoan jarritako koloretako sentsore batzuen bidez, hauek egindako mugimendua kaptatzea lortu da. Modu honetan, eta letra guztiak gidatuz lortu da tipografiaren gama garatzea.

Jarraian usten dizuet nola egin den azaltzen duen bideoa.

Baina konturatuko zineten, publizitate helburuekin egindako ideia bat dela. Toyotak garatu du bere auto baten diseinu berria ezagutzera emateko, beraz, ez dakigu benetako garapena den, edo bideoan erakutsi arren antzerkia besterik ez den. Baina hau norberak erabaki dezala.

Hemen daukazue kanpainaren web orrialdea, eta baita tipografia jaisteko aukera:

Herbeereetako Toyota

Detaileen Garrantzia – Audi A7

maimuru — Tue, 10 May 2011 19:42:43 +0000

Click here to view the embedded video.

Beti buruan izan beharko genukeen zerbait da. Detaileetan dago gure lanaren kalitatearen zati handi bat.

Ikaragarria da Audi Design-ek zein puntutaraino izaten dituen kontuak horrelako gauzak. Hori azaltzen du bideo honek. Taldeko diseinatzaileetako baten eskutik, argiaren isladak sortzen duen pertzepziotik, muturraren zabalerak duen garrantziraino azaltzen digu.

“Nothing is more liberating than a blank piece of paper”

Bideoa tamainu osoan

Ekintzaile Gaztetik Ekintzaile Gaztearentzako

maimuru — Tue, 12 Apr 2011 20:54:20 +0000

Apirilaren lehengo astean, Buenafuente programan agerturiko bideoa da gaur dakarkizuedana. Unibertsitatean zati bat ikusteko aukera izan dugu, eta tartetxo honek entrebistatuarengan kuriositatea pizteko balio izan dit.

Bideoan ikusiko duzuen gazte hau, Pau Garcia-Mila da. EyeOs-eko sortzaileetako bat. Liburu bat idatzi berri homen du, eta hau aitzakia, la Sextara iritsi da bere ekintzaletasunarekiko ikuspuntua azalduz. 23 urteko gazte bat izateko harrigarria da ideiak zein argi dituen, eta nolako aholkuak ematen dituen benetan berritzailea den zerbait kaleratzean nahi duen edonorentzat. Baina beti diotzuedan bezala, ez nahiz gehiegi luzatuko, eta bideoaz utziko zaituztet. Zihur batek baino gehiagok twitter-en jarraitzen amaitzen duela.

Jasangarritasunaren 7 kable

maimuru — Wed, 06 Apr 2011 20:06:19 +0000

Core77-k sorturiko bideo seriearen barruan dago gaur aurkeztea nahi dizuedan bideoa. Andrew Dent-ena, Rols Royce eta Cambridge University bezalako entitateentzat lanean aritu den diseinu doktore bat. Sustainability in 7 deituriko serie hau, jasangarritasunaren inguruan sorturiko bideo bilduma bat da, diseinatzaile ezberdinek hainbat klabe ematen dituztelarik.

Dent-ek oso era garbian ECOdisenuaren prozesua eta puntu garrantzitsuenak islatzea lortu du 7 punturekin. 2 minutu eta erdi inguruan, zihur prozesuaren ideia bat egingo zaretela. Hemen usten dizuet bideoa:

Esperientziek sor dezaketen emaitza

maimuru — Mon, 28 Mar 2011 19:35:46 +0000

Esperientzia diseinua modan dagoen zerbait dela esan dezakegu. Diseinatzaileak erabiltzaileak sentituko duena diseinatu nahi du.

Badira esperientziak diseina ezinak direla dioten korronteak, baina zihur gaur dakarkigun produktuaz ideia nolabait aldatuko dutela. Energia aurrezteko aparatu hauek, nolabait naturari egiten diogun mina pertsonifikatu egiten dutela esan daiteke, epe luzerako zerbait, momentuko bihurtuz. Baina sarri diotsuedan bezala, nik ez dizuet hitzez azalduko, bideoa ikusita sentituko duzuena. Hona hemen bideoa.

Ezin izan dut produktuen inguruko informaziorik gehiagorik aurkitu, autorea soilik: Marc Hassenzahl

Nolako diseinu grafikoa izan beharko luke zureak?

maimuru — Mon, 28 Mar 2011 19:23:50 +0000

Izenburuko galderari zure erantzuna aurkitzeko erreminta izan nahi du gaur dakarkizuedan infografiak… Eta hartzen duzun erabakiak izango dituen ondorioak azalarazten ahaleginduko da, erabakia hobea izan dadin. Umore klabean bada ere, ez al dauka arrazoirik?

Eta zuen bezeroek, nolako lanak nahi izaten dituzte?

Criterionen ikusia

Irudia tamainu osoa ikusteko